Eth Departament de Territòri, paisatge e cambi climatic deth Conselh Generau d’Aran an constatat un atac d’os a dues oelhes ena Planhèra, en pòble de Garòs (Naut Aran).
Agents de Miei Ambient s’a desplaçat entara zona, a on an trobat excrements e mòstres de peu. Entara deteccion an compdat damb eth supòrt deth can de seguiment.
Es cameres de seguiment an constatat era preséncia der os. Miei Naturau collabòre damb es ramadèrs en tancament des pàrrecs des crabes e refortiment des des oelhes. Es atacs, que se heren en dies diferenti, sigueren a finaus dera setmana passada, segontes es indicis.
Es agents de Miei Ambient an trabalhat ath long d’aguest darrèr mes en seguiment de diuèrsi atacs a crabes en madeish tèrme municipau, damb dues baishes e cinc de desapareishudes.
